मानव विकास बहुउद्देशीय शिक्षण प्रसारक मंडळ, शिराळा ही संस्था ग्रामीण भागातील बौद्धिक अक्षम व विशेष गरजाधारक बालकांच्या शिक्षण व पुनर्वसनासाठी कार्यरत आहे. संस्थेची स्थापना सन १९९६ मध्ये झाली असून २००२ मध्ये शासकीय अनुज्ञप्ती आणि २००४ पासून अनुदान तत्वावर मान्यता प्राप्त झाली आहे.

संस्थेच्या अंतर्गत निवासी मतीमंद विद्यालय, वायगाव (आष्टी) येथे ग्रामीण भागातील ६ ते १८ वर्षे वयोगटातील विद्यार्थ्यांना निवासी स्वरूपात शिक्षण व प्रशिक्षण दिले जाते. विद्यार्थ्यांच्या क्षमतेनुसार विशेष शिक्षण पद्धतीद्वारे त्यांना दैनंदिन जीवनातील आवश्यक कौशल्ये शिकवून स्वावलंबी बनवण्याचा प्रयत्न केला जातो.

तसेच ० ते ६ वर्ष वयोगटातील विशेष गरजाधारक बालकांसाठी शीघ्र हस्तक्षेप सेवा उपलब्ध असून बालकांच्या गरजेनुसार उपचार व पालकांना समुपदेशन दिले जाते.
शाळेमध्ये विद्यार्थ्यांसाठी शिक्षण, प्रशिक्षण, निवास, भोजन, आरोग्य तपासणी व आवश्यक उपचार या सर्व सुविधा मोफत उपलब्ध करून दिल्या जातात. संस्थेचे मुख्य ध्येय म्हणजे विशेष गरजाधारक बालकांना शिक्षणाच्या मुख्य प्रवाहात आणून त्यांना स्वावलंबी व सन्मानाने जगण्यासाठी सक्षम बनवणे. आणखी वाचा